Make your own free website on Tripod.com

                      "BUNGA SASA"  KAPAMPANGAN  POETRY                                   
                                           
                                 POEMANG MELALANG KING AMANUNG SISUAN                                                                                                                                                                                                                                                                                                                



   
 KALAMNAN               
Homepage
Ing Sasabyan Da 1
Ing Sasabyan Da 2
Kaul Mung Matalik
Amanung Sisuan
Mataram A Laram
Bibingka Nang Kaka
Sagakgak Ning Akdak
Sinta King Mumunang Pamikit
(Love At First Sight)
Palapat A Mepatpat
Simbulu Ning Simboryu
Ing Menatbus
(The Passion of The Christ)

Karing Minuli Na

(An All Saintsí Day Offering)
Nukarin Ka Munta?
Pamintuan Ing Lub Mu
Angus Ning Gabun
Balik-Alikabuk
Tutu Pin Ating Dios?
Balik-Balen
Sulsi-Sulsing Isip,
 Tagpi-Tagping Paninap

Ing Tigri Mepunge Ne Bangis
Pamaglalang II (Regenesis)

Abe, E na Ka Maglumbe
Ninu Y Ninoy?
Manyawad Tawad
Abe Eba
Pakibat Kang Papa Osmubal

Lagyu Ning Bagyu
Sinagiwang Langib
Dipa Ning Alti
Dinugpa Ya Ing Alti

 

     Ing Angus Ning Gabun  
 

babye ke keka ing mabye a katutwan
nung buri meng akit pinanari ning bye
dumanas ka pa mung uran at karimlan
at kaybat na nita, sunlag yang makule
pinanari ning bye, masaplalang bale!

makanyan mu naman bayu ka mebyasa
tinikdo't linakad matulid a takbang
gamit gamat-intud muna kang ginapang
bagya-bagya't tungal ditak migpatalan
mengasakab ka man e mu penamdaman!

atatandanan mu inyang mibait ka
kyak na kang kyak inyang lulwal king masala
matning pabalu e la migaganaka
ding kamaganak makapaligid keka
makatiman la ngan gagagad la tula!

ing kabaligtaran yang tune malyari
keti babo yatu potang mako na ka
makatiman ka pang mamun karing sabla
ding kamaganakan magpaligid keka
mangalbag la mata at gagalgal la lwa!

marimlang uran, makule pinanari
gapang na ning intud, matulid a lakad
kyak ning bayung bait, tima'na ning mamun
katutwan lang mabye dapat mamukadkad
kanita mayubung ing angus ning gabun!

 


Email Addresses:   nombresin@digitelone.com
                                     nombresin_ph@yahoo.com        
Copyright © 2003. All rights reserved.
Revised: 01/19/05

Visit my Poetry In English website: http://www.angelfire.com/poetry/nombresin/index.htm