libutad ning benging malalam a tudtud
king lalam ning tete malapit king kutud
banda karin rugu bebe atbung tanam
metung yang siwala keka tamung dimdam.

siguk ne kaya ning anak a danupan?
unga ne kaya ning damulag a bulag?
gul'sak ne kaya ning pobreng sikmal-isip?
pangadi ya ini manibat king sulip!

ban kanita mikabsi ne ing danupan!
ban kanita manakit ne ing mebulag!
ban kanita mikamal ne ing kalulu!
kanita datang masalang aslag-munag!

kasabe ning mapaling aspak ning abak
kildap ampon duldul babo mamulaklak
"Igpang atyu banwa" maniklod tamu pu
"king Kekang panguldas pamintwan ing lub mu!"