KAPAMPANGAN POETRY

"BUNGA SASA"  (homepage)

  MALAUS KO PU...

POEMANG MELALANG KING AMANUNG SISWAN

 

"BUNGA SASA" ing pamagat ning libretang sinulat ku pauli na ning aku anak kung mibait Sasmuan (Sasa-muan) na dati mas balu o kilala  ya king aus a Sexmoan. 


Inyang malati ku, maski nukarin manakit kung sasa. King pampang da ring ilug. King gilid da ring pilapil.  King    kilub da ring playsdan. Karing sasa, maglungga la ring ema lalu na ring malutung matangal. Karing sasa, sasalilung la reng uwis, tika, bako bengi, tikling, kanisig at dumara. Karing sasa, marakal a damuku, gurumeti at lukban.


Liban kayni, aku medagul ku libutad ning kabiyayan manibat king sasa.  King gulut bale, sasa lang mangatas ampon mangaragul. Mapilan karing panagdag bye manibat king sasa ilapin ding makatuki: ing mayumung tuba king tukil, ing aslam king tapayan, ing tulud a banus suman, ing pinaud a panatap bubungan, ing tingting a pamalis, ing palapang  panangab,  ing bunga sasang linutu king arnibal at ing bunut nang panisis dalig, eran ampon kuran.


Ing bye ku minasa at mebiasa ya libutad at palibut ning amanung  sasa.

Aku ing anak  Sasa-muan. 

Aku ing Bunga Sasa.

 
               Tony Mercado Peņa     
           (nombresin)     


 

My e-mail addresses:

nombresin@digitelone.com
nombresin_ph@yahoo.com  



Visit my Poetry in English website:

 https://www.angelfire.com/poetry/nombresin/index.htm
 

  Nukarin Ka Munta?

  Sagakgak Ning Akdak

  Sinta King Mumunang            Pamikit
  (Love At First Sight)

  Karing Minuli Na

  Ing Angus Ning Gabun

  Balik Alikabuk

  Ing Menatbus

  Sulsi-sulsing Isip,
  Tagpi-tagping Paninap

  Nung Bakit Ing Tigri
  Mepunge Ne Bangis

  Pamaglalang II

  Balikbalen

  Tutu Pin Ing Alang Dios?

  Abe, E Naka Maglumbe

  Ninu Y Ninoy?

  Manyawad Tawad